MARIO CASARTELLI (CASARTELLI) - CARICATURA DE TEODORO S. MONGELÓS

Caricatura e Ilustración de tapa: MARIO CASARTELLI
Fuente: TEODORO S. MONGELÓS – POESÍA. Recopilación y edición: RUDI TORGA. Colección POETAS POPULARES, 1. Tapa: MARIO CASARTELLI. Editorial EL LECTOR, Asunción-Paraguay 1996. 115 páginas
**/**
POESÍAS DE TEODORO S. MONGELÓS
HA ... CHE RETÃ PARAGUAY
** Ha che retã Paraguay...
Péichaitepa ne porã.
Remimbi, rejajaipa.
Ha anga ku nande po'ai.
Mamove ndojehechái
mokõi upe ndéichagua.
Ha ikatu poku vaerã
repu’ã che Paraguay.
** Hi’ãntema rohecha
repo rejetyvyro.
Ha upévo tove toso
hasypeve pe ne sã.
Yvágarehe epu’ã,
ko’yte ejepytaso
ha ore pe ore korasõ
tove ta ipiro’ýpa.
** Mayma ne membytee
hi’ãma ropytu’u.
Topami pe jepoyhu,
Ñorãirõ ha pokarẽ.
Ha’evemante oreave
tesaýpe rojahu.
Hi’ãma ore porayhu
ipoty ha oñeñopẽ.
** Ha... che retã Paraguay...
Piko péichante vaerã
ne memby nde rayhuha
nderehe nda ore po’ai.
Epóna ha esapukái,
emondoho pe ne sã.
Topami tekoasýeta.
¡Ha... che retó Paraguay!
**/**
IPUKU CHE PYHARE
** Ipuku che pyhare
ha ikoe anga ndavy’ai.
Ko’eju na hesakãi
ha pytữro pytữve.
Ipuku che pyhare.
** Kuarahy na hembipéi
ha aretema ndakevei,
aimeségui nendive.
Ipuku che pyhare
ha ikoe ndavy’ái.
** Ipuku che pyhare
ha amoagẽvante nde ju.
Ha mamóiko tojuhu
ni yvytu nde pýpore.
Ipuku che pyhare.
** Pe jasy jepe ipytữ
ha vokói che mborayhu.
Oñani nde rechase.
Ipuku che pyhare
ha amoagẽvante nde ju.
** Ipuku che pyhare
ha ipuku ne pore’ỹ.
Che reságui anga ysapy
Okukuirõ okukúive.
Ipuku che pyhare.
** Ndavy’ai nderehe’ỹ
Cheheguiko opa tory
mombyry reho guive
Ipuku che pyhare
ha ipuku ne pore’ỹ
** Ipuku che pyhare
hi’ãitéma ko’ẽmba.
Ka’aguy poty ryakuã
toñua che rekove
Ipuku che pyhare.
** Ha hi’ãma ambopaha
kerasy py’a angata
ahasáva nderehe.
Ipuku che pyhare
hi’ãitéma ko’ẽmba.

.

AQUÍ PODRÁ VISITAR LAS GALERÍAS DE OBRAS DE MARIO CASARTELLI EN PORTALGUARANI.COM